2013-10-26

නොහික්මුණ මිනිස්සු (සහ ගෑනු)

ශ්‍රී ලංකාවේ මහා මාර්ග අනතුරු දිනෙන් දිනම වැඩි වන බව බොහෝ අය කියන කාරණයක්. එයට හේතු ලෙස ඔවුන් දක්වන්නේ, රටේ තිබෙන පාරවල් සංඛ්‍යාවට සාපේක්ෂව ධාවනය වන වාහන සංඛ්‍යාව වැඩි වීම, පෞද්ගලික බස් රථ කරුවන්ගේ තරගකාරිත්වය ආදී ඒවාය. මේ දැක්වෙන හේතු තරමක් දුරට වලංගු වන නමුත්, ඒවාට ඇත්තේ අධික වියදමක් දරා ලබාගත යුතු විසඳුම් ය. මහා මාර්ග පුළුල් කිරීම, පෞද්ගලික බස් ධාවනය පාලනය කිරීම ආදිය ලේසි පහසු කටයුතු නොවේ.

මේ කතා කෙසේ වුවත්, වැඩිපුර කවුරුත් කතා නොකරන එක්තරා කාරණයක් නිසා රථවාහන අනතුරු සංඛ්‍යාත්මක වශයෙන් මෙන්ම ගුණාත්මක වශයෙන් ද වැඩි වන බවට හෙනහුරා සැක කරයි.

රිය අනතුරක් සිදු වූ අවස්ථාවක් සළකා බලමු. මෙහිදී, පොලිසියෙන් කරන්නේ කුමක්ද? රිය අනතුරට සම්බන්ධ වූ රියැදුරන්ට එරෙහිව නඩු පැවරීමයි. ගැටුනේ වාහන දෙකක් නම්, අනතුරක් වළක්වානොගැනීම යන චෝදනාව රියැදුරන් දෙදෙනාටම පැටවෙයි. එක අතකින් පාරේ නඩු විභාග කර රටේ නැති පරිප්පු කනවාට වඩා කේස් එක උසාවියට දමා අත් දෙකම පිස දා ගැනීම රාළහාමිලාටත් ඇඟට ගුණ ය.

එහෙත්, ලංකාවේ මාර්ග නීති සංග්‍රහය කියා එකක් ඇත. ඒ නීති සකස් කර ඇත්තේ මාර්ග අනතුරු වළක්වාගෙන රථ ධාවනය කිරීම සඳහා ය. මේ මාර්ග නීති බොහොමයක් අද ලංකාවේ රියැදුරෝ ගණන් ගන්නේ නැත. වේග සීමාව ඉක්මවා ධාවනය කිරීම, රතු එළියට එරෙහිව යාම හා "ඉරි කැපීම" හැරුණු කොට වෙනත් කිසිදු නීතියක් ගැන මතකයක් රියැදුරන්ටවත් පොළිස් රාළහාමිලාටවත් නැත. මේ නිසා, රිය අනතුරු වැඩි වීම පමණක් නොව මාර්ග තදබදය වැඩි වීමත් නොවැළැක්වියහැකි කාරණයකි.

මෙහිදී, බ්ලොග් කියවන පොලිස් රාළහාමිලා හෝ පොලීසියේ ඉහළ නිලධාරීන් ඉන්නවාදැයි කියා හෙනහුරාට සිතිවිල්ලක් පහල වේ.

හතර මං හන්දියකට යන්න. හතර පැත්තෙන් වාහන හතරක් එක වර පැමිණියහොත්, හතර දෙනාම බලන්නේ හැකි ඉක්මනින් වාහනයේ මූණ මැද්දට දමා ගැනීමට ය. ඉස්සරවෙලාම මූණ දමා ගත් එකාට යාමට ඉඩ ලැබේ. ඒත් ඉස්සෙල්ලා මූණ දාන්න ගිහින් අනිත් එකාගේ පැත්තක මූණ හැපුණොත්, මූණ හප්පාගත් එකා රිය අනතුර සිදු කර අලාභ හානි සිදු කළ වැරදිකාරයා ලෙස සළකනු ලැබේ. ඒ නිසා, හප්පා නොගැනීමට පරිස්සම් විය යුතුය. (මෙතනදී "එකා" කීවේ පහසුවටය. කිසිවකුට අපහාසයක් පිණීස නොවේ.)
හෙඩ් ලයිට් ම තුනක්?

මේ නිසා, හතර දෙනාම එන්නේ බ්‍රේක් එකට කකුල තියන්නට බලාගෙන ය. හෙමින් හෙමින් ය. මෙය දකිද්දී හෙනහුරාට මතක් වෙන්නේ කුකුල් පොරයකදී හොරගල් අහුලන හැටිය. කුකුල් පොරයක් අවසන් වෙන්නට ගත වෙන කාලයට වඩා මඳක් අඩු කාලයකදී වාහන දෙක හන්දිය පසු කර යයි.

මේ හොරගල් ඇහිලීම, මාර්ග තදබදයට පැහැදිළි හේතුවකි. එමෙන්ම බය අඩු එකා හෝ කබල් වාහනයක් පදවන එකා හෝ ඉක්මන් වීමෙන් රිය අනතුරක් සිදු වේ. සමහර විට "මූණ" හප්පාගෙන වැරදි කාරයා වන්නේ කඩා බිඳගෙන යාමට පසුබට වූ රියැදුරා ය.

සංඥා එළි හෝ වාහන හසුරුවන පොලිස් රාළහාමි කෙනකු නොමැති හන්දියකදී තත්වය එසේය.

මහා මාර්ගයේ සමහර  තැන්වල කහපාට "කොටු දැළ"ක් ඇඳ තිබේ. මේවා ඇඳ තිබෙන්නේ අහවල් එකකටදැයි ඇඳපු එකා වත් දන්නේ නැතැයි හෙනහුරාට සිතේ. මේ කොටු දැළකින් අභිමත කාර්යය ඉටු වෙනවා දැකීම සුනාමියක් ඇති වීම තරම්ම දුර්ලභය.

ඊ ළඟ මාරකය හෙඩ් ලයිට් ය. නවීන වාහන වල ඉදිරිපස ලයිට් තුනක් ඇත. සමහර අය මහ නගරය මැද්දේ වුනත් වාහනය පදවන්නේ මේ තුනම දමාගෙන ය.
මේකයි තත්වය

ඉදිරියෙන් එන වාහනයක ලයිට් එළිය නිසා, පදිකයින්ට පාර හරහා යාමට ඇති කහ ඉර හෝ ඒ මතින් පාර හරහා යන අයකු හෝ නොපෙනෙන අවස්ථා එමට ය. ඒත් ඒ බව තේරුම් ගැනීමට සම-හරක් රියැදුරු උන්නැහේලාට මොලය නැත.
තමාට ඉදිරියෙන් වාහනයක් ගමන් කරන විටකදී "හෙඩ් ලයිට්" එක "ඩිම්" කළ යුතු බව මාර්ගෝපදේශ සංග්‍රහය නමැති කවුරුවක් කියවන්නේ නැති පොතේ තිබෙයි. මෙහිදී "ඉදිරියෙන් වාහනයක් ගමන් කරන විට" යන්නෙන්, විරුද්ධ දිශාවට ගමන් කරන වාහනයක් මෙන්ම තමන්ට ඉදිරියෙන් තමන් යන දිශාවටම ගමන් කරන වාහනයක් ද අදහස් කෙරෙනවායැයි සිතමි. තේරෙන භාෂාවෙන් (හරකුන්ට තේරෙයිද මන්දා) කියනවානම්, වාහනයක පසු පසින් යද්දී "හෙඩ්" ලයිට් "ඩිම්" කළ යුතු ය. නැතිනම්, ඉදිරියෙන් යන වාහනයේ රියැදුරුට පැති කන්නාඩි වලින් කිසිවක් නොපෙනේ. අවාසනාවකට ලංකාවේ පොලිස් රාළහාමිලා මේ කිසිවක් නොතකති. (එක දවසක් හෙනහුරා අතින් රාළහාමි කෙනකු යට නොවී බේරුනේ අනූ නමයෙනි. ඉදිරියෙන් ආ වාහනයේ ආලෝක ධාරා වලින් දෑස නිලංකාර වූ නිසා රාළහාමි පාර මැද හිටගෙන සිටින බව හෙනහුරා දැක්කේ හොඳටම ළං වූ පසුවය. හෙනහුරා ඒ වෙලාවේම රාළහාමිට මේ ගැන කී නමුත් රාළහාමිට ඒවා ගැන හිතන්නට වෙලාවක් නැති විය.)

(හෙඩ් ලයිට් ඩිම් කරනවා යන්න වැරදි යෙදුමක් බවත් නිවැරදි වචනය ඩිප් කිරීම බවත් ඇනෝ කෙනෙකු විසින් පෙන්වා දෙන ලදී. ඇනෝට මගේ ස්තුතිය)

මේවා දකිද්දී හෙනහුරාට සිතෙන්නේ රියැදුරු බලපත්‍ර ලබා දීමේ ප්‍රායෝගික පරීක්ෂණය රාත්‍රී කාලයේදී කළ යුතු බවය.

පහළින් තියෙන පින්තූර දෙකෙන් වැඩි පුර වාහන ගමන් කරන පාරක පින්තූරය අංක 1 ද නැත්නම් 2ද කියා නිකමට හිතන්න. ඉක්මණට ගමන යන්න පුළුවන් වෙන්නේ පළමුවැනි පින්තූරයේ හැටියට ගියොත් ද, නැතිනම් දෙවැනි එකේ විදිහට ගියොත් දැයි කියා හිතල බලන්න.

හදිස්සියට අත දමා ගැනීමට කොරොස් කටත් මදි වේ. (කොරොස් කට යනු අතීත කාලයේ ලංකාවේ ගෙවල් වල කුස්සියේ පාවිච්චි කළ භාණ්ඩයක් වන කොරහේ කටයි. එහි කට ඉතා විශාල විය. කොරහක පින්තූරයක් අන්තර්ජාලයෙන් සොයාගැනිමට නොහැකි විය. පසුව කමෙන්ට් කරන ලද ඇනෝ කෙනකුගේ උදව්වෙන් පින්තූරයක් සොයාගතිමි. සැබෑ කොරහක් බලාගැනීමට අවශ්‍යනම් ප්‍රමාද නොකර කටුගෙට ගොස් බැලීම සුදුසුය. ප්‍රමාද වුනොත් කවරකු හෝ එය උස්සාගෙන යාමට ඉඩ ඇත)


පින්තූරය 1
පින්තූරය 2


නොකියාම බැරි තවත් කාරණයක් නම් අපේ සමහර පදිකයන් "කහ ඉර" යනු ඒදන්ඩක් වැනි එකකැයි සිතාගෙන සිටින බව ය. එ් දණ්ඩක් මතදී දෙපැත්තට මාරු වීමට බැරි ය. එකා පසුපස එකා යා යුතුය. ඒත් අද කාලයේ මගමරුවන් බහුල නිසා පදිකයන්ගේ අතිරේක ප්‍රවේසම ගැන දොස් කීමට නොහැකිය.

(පින්තූර සියල්ලම අන්තර්ජාලයෙනි.)
කොරහක්




























2013-10-18

විවාහකයන්ට පමණයි

මේ තියෙන්නෙ පැපරාසි නිවුස් ගොසිප් සයිට් එකේ තිබුනු ප්‍රවෘත්තියක්.

ගම්පහ නගරයේ තිබෙන ෆාමසිවලින් විකුණන උපත් පාලන පෙති සහ උපත් පාලන උපකරණ වලින් 50‍%ක් මිලදී ගන්නේ උපකාරක පන්ති වලට එන වයස අවුරුදු 16ත් 24ත් අතර තරුණ තරුණියන් බව ගම්පහ නගරාධිපති එරංග සේනානායක මහතා පවසයි.

මේ නිවුස් එකටත් සුපුරුදු විදිහටම කමෙන්ට්ස් දාල තිබුන කොලු කුරුට්ටො 15දෙනෙක් මං ඒක බලන වෙලාව වෙද්දි. මේ තියෙන්නෙ ඒ කමෙන්ට්ස්. (සමහර කමෙන්ට්ස් දාල තියෙන්නෙ ඔය ගම්පහ ගෲප් එකේම කට්ටිය වෙන්න ඇති කියලත් හිතෙනව.)
-----------------------------------------------------------------------------------------------------------
Comments (15) මේ තියෙන්නෙ මේ ලිපියට දාන කමෙන්ට් එහෙම නෙවෙයි ඕං. පටලවාගන්න එපා. ලිපිය තව ඉවර නැහැ. ඉතිරි ටික පහළ.

+35
Ruchika's avatar
Ruchika · 2 days ago
yako upath palana pethi, arawa mewa thiyenne ewa use karanna thamai, nathuwa lamai hadagena passe e lamainwa winasa karanna nemei, lankawe inna kalakanni mewa therum ganne na. 16-24 athare aya mewa ganne nathuwa 60-75 athare inna ewntada mewa thiyenne bolaw.
+2
මිනිසා's avatar
මිනිසා · 1 day ago
wediyenma kopu ganne kawuda?
+2
three wheel malli 's avatar
three wheel malli · 1 day ago
ane eranga :P owwa wikke naththan gampaha kellanta mokada wenne !!!
0
kuma's avatar
kuma · 1 day ago
memath dewal hane apoi ..... iiii
+1
science teacher 's avatar
science teacher · 1 day ago
upath palanaya pasal wala o/l syllabus ekata danna ona kiyala ka gahanawa itin ewa pawicchi karanna ehanam ai tahanam wena dewal wen dewal nadda kata karanna mewa pawichi kare nattam aids rogin wadi wai gabsa wadi wai mewa gana ai hitan nate
+1
K .N.Ranjan's avatar
K .N.Ranjan · 1 day ago
It is not a good trend.We must teach children how to behave well.This is not our culture.Children should study first and then try to find love
+2
copu's avatar
copu · 1 day ago
me wage moda musaleyek, thuk witharak
0
SUMANASIRI's avatar
SUMANASIRI · 1 day ago
GAMPAHA MEYER WHAT SAY ? IHATHA IYALA THIBUNA EKE THERUMA THERUM GANNA OHU KIYANA EKE THERUMA NAM LMUN GE MEMA HASIRIMA NOMANA BAWAI EHEMATH NATHINAM MEKATA COMMENT LIYAPU SAMAHARECK KAMATHI ETHI OHUGE PUTHA HO DUWA MEWA KARANAWATA
0
wimal's avatar
wimal · 1 day ago
eranga ayyath baba ne
0
OPtimus's avatar
OPtimus · 1 day ago
Erangaya Nagaradi wela Wada pennanna yanawa lol! ane oii Wadak balagena Yanawa Manussayo Yanna uba Upayh palana pethi ganne Gani Marichcha dawasatada??? ah
0
milinda's avatar
milinda · 1 day ago
machaolaaa mata kiyanawada upathpaalana pathiwala namak kaagen wath ahannath be matath ona wela thiyanawa bn
0
ssssss's avatar
ssssss · 1 day ago
tusion dena sirla genna kiwwada danne nahane
0
සඳරු 's avatar
සඳරු · 18 hours ago
පිස්සු ලෝකයක්. මමත් ඔය වයස තුල ඉන්නේ හැබැයි මටනම් තාම රෙස්ට් හවුස් ගානේ රිංගන්න ඕනේ නැහැ. යාලු උන කෙල්ලෙක් උන්නත් ඒකිට ඕනෙත් ඉගන ගන්න. මට ඕනෙත් ඒක.

ඔය වයසේ ඉන්න උන්ට තමන්ගේ අරමුණ පෙන්නුවානම් හරි. උන් උන්මන්තකයෝ. සුළු ආශාවන් උදෙසා ජීවිතයම කෙළසා ගන්නවා..
0
Godaya's avatar
Godaya · 17 hours ago
What a backward thinking. we are living 21st century. They should appreciate the fact that young people are more aware about the consequences of unsafe sex. Do these people really know our culture ?
--------------------------------------------------------------------------------------------------------------
 ඒ ප්‍රවෘත්තියේ ඉතිරි හරිය අවශ්‍යනම් කියවන්න පුළුවන් වෙන්න ලින්ක් එක දාල තියෙන්නෙ. මං මේ කතාකරන්න හදන්නෙ නිවුස් එක ගැන නෙවෙයි. මේ දාල තියන කමෙන්ට්ස් වලින් අති බහුතරයක් දකින්නෙ ඒ කියල තියන තත්වය සාමාන්‍ය තත්වයක් එහෙමත් නැත්නම් විය යුතු දෙයක් හැටියටයි.

මේ ප්‍රශ්නෙ දෙපැත්තක් තියනව. එකක් තමයි, දැන් මේ අපි මරාගෙන බේරගන්න හදන සිංහල සංස්කෘතිය. අනිත් එක, මේ විදිහට ටියුෂන් ක්ලාස් එක කට් කරල ළමයි කරගන්න විනාශය. මේ ළමයි ඔය පෙති ගන්නෙ ගෙදර ගිහින් හැන්දෑවට බොන්න නෙමෙයිනෙ. ක්ලාස් එක කට් කරල කොහෙ හරි රිංගන්න ප්ලෑන් කරල කරන වැඩක් බව පැහැදිළියිනෙ.

මේ නිවුස් එක දකින්න කළින්මත් මට මේ වගේ කාරණා ගැන යමක් ලියන්න හිතිලයි තිබුනෙ. ඒකට හේතුව තමයි මේ අන්තර්ජාලයේ සමහර සිංහල වෙබ් අඩවි වලින් අපේ දරුවන් ගෙනියන්නෙ මොනවගේ අගාධයකටද කියල දැකීම. මම පහුගිය දවසක උවමනාවෙන්ම ඒ වගේ සයිට් කීපයක් කියවල බැලුව. අන්තර්ගතය වශයෙන් ගත්තහම, අර අපි ඉස්කෝලෙ යන කාලෙ එහෙම තිබුන නවසරණ ආදී පත්තර පඩංගු වල වගේම තමයි. ඒ පත්තර කියවලා රස වින්දත්, ඒවයෙ තියෙන්නෙ මොන තරම් බොරුද කියල දැන් බැන්දට පස්සෙ තේරෙනව.


ගම්පහ කියන්නෙ ලංකාවෙ ටියුෂන් (මහා පරිමාණ) උපන් ස්ථානය. ඒ තියන ක්ලාස් කන්දරාවෙ හැටියට මේ වගේ දේවලින්වත් ගම්පහ ළමයි අධ්‍යාපනයෙන් ටිකක් හරි ඈත් කළේ නැත්නම් අනිත් පලාත් වල ළමයි කැම්පස් එහෙම යනව බොරු.

2013-10-11

මෙන්න ඒ දෙවෙනි කොටස

අතිශයින්ම දීර්ඝ නිහැ












2013-08-04

පරම අයිතිය



තව අවුරුදු 40ක් හෝ ඇතැමුන් විසින් ගණනය කර ඇති කාලසීමාවක් තුළදී ශ්‍රී ලංකාවේ සිංහල ජනගහන ප්‍රතිශතය අඩු වීමෙන් දිවයින තුළ සුළු ජාතියක් ලෙස ජීවත් වීමට සිංහල ජාතියේ අනාගත දරු පරම්පරාවනට සිදුවනු ඇතැයි බියකින් පෙළෙන ජාතික කැක්කුම ඇති සිංහල තරුණයෝ යතුරු පුවරුව මෙවලම කරගනිමින් අඛණ්ඩ අරගලයක නියැළී සිටිති.

මේක අපේ රට‍ ‍යකෝ. තොපි කරබාගෙන ඉන්නවනම් හිටපියව්. හැබැයි තොපි හරක් එහෙම මරල තිබුනොත් අපි තොපිව හම ගහනව. තොපි හරක් මරපුවහම අපේ ඉම්පෝර්ට් බිස්නස් වලටත් එක්කනෙ කෙළවෙන්නෙ, අනික අහිංසක සත්තු, පව්නෙ.

සත්‍යයකි. මේ අපේ රටයි.

‘අපේ’ යන යෙදුම අර්ථ දෙකකින් පාවිච්චි කරනු ලබන “සාපේක්ෂ” ලෙස වටහාගතයුතු වචනයකි.මේ කතාව පැහැදිළි කිරීම අනිවාර්ය වූ අවශ්‍යතාවක් බව පිළිගැනීම නිසා, පහත නිල් පාට අකුරු සහිත ඡේදය එකතු කරනු ලැබේ.

තමනට පූර්ණ අයිතිය ඇති දේට ‘අපේ’ කියා කීමට හැකිය. අපේ පිහිය, අපේ වං ගෙඩිය, අපේ ඇඳ යනාදිය උදාහරණ වේ. ඒවා අපට අයිති නිසා, එය භුක්ති විඳීමට, විකිණීමට, හමගැසීමට, මස්තබාල්දු කිරීමට අපට ඇත්තේ ‘අනුලංඝනීය’ වූ අයිතියකි.
තමන් හා සම්බන්ධකමක් ඇති දේටත් අපි ‘අපේ’ කියා කියමු.
අපේ මාමා, අපේ ඉස්කෝලෙ, අපේ ස්කූල් බස් එක, අපේ ගම, අපේ රට??????

අපේ යන වචනයේ මේ දෙවැනි අර්ථය සමහර විට නැත්නම් බොහෝ විට අපට අමතක වී යයි. අපේ ඔෆිස් එකේ ඇති හාෆ් ෂීට් බන්ඩල් පිටින් අපේ ගෙදරට ගමන් කරන්නේ ඒ නිසාය.

අපේ යන්න අයිතිය හැඟවෙන වචනයක් ලෙසත් යොදාගැනීම නිසා මේ අවුල සිදු වේ. අයිතිය සම්බන්ධ වූ ඉතා වැදගත් පර්යේෂණාත්මක සොයාගැනීමක් ‘විදුසර’ පත්‍රයේ පළ වී තිබුනු බව මතක නමුත් දින වකවානුව අවිනිශ්චිත බැවින් එය උපුටා පළ කිරීමට හෝ සබැඳියක් යෙදීමට අවකාශයක් නොමැත. එම පර්යේෂණය සිදු කර ඇත්තේ කුඩා ළමුන් සම්බන්ධයෙනි. (කුඩා ළමයින් හිතන්නෙ නිවහල්ව.)
එහිදී පර්යේෂණ කණ්ඩායම සොයාගෙන ඇත්තේ, ස්වභාවික වස්තු වලට අයිතියක් තිබිය නොහැකි බව කුඩා ළමයින් සිතන බවයි. පැහැදිළි කරන්නේ නම්, අඹ ගස, මල් වැනි දේට අයිතිකාරයන් සිටිය නොහැකියි. ඒ දරුවනට අනුව, යමකුට අයිතියක් තිබිය හැක්කේ මේසය, සෙල්ලම් බඩු වැනි කෘතිම දේට පමණකි.

අතුරු කතා පසෙකට ලා මාතෘකාවට බසිමු. පසුගිය කාලයේදී අපි කතා කළේ රත්නපුර නඩුකාරයාගේ මානසික තත්වය ගැනය. මේ දිනවල අපි කතා කරන්නේ රතුපස්වල ගැනය. ඒවා වැදගත් නොවන මාතෘකා නොවේ. එහෙත්, ‘හීනියට’ පටන් ගෙන නොදැනීම ඔඩු දුවා යන බරපතළ ප්‍රශ්න සමහරක් අපට මතක් වන්නේ තට්ටමේ කට්ටක් ඇනුනොත් පමණකි. උදාහරණයක් වශයෙන් ඩෙංගු පැතිරීම ගැන කතාව අමතක වී තිබී මාස දෙකකට පමණ පෙර නැවත පටන් ගත්තේ කෙසේදැයි කියා කිසිවකුට මතකයක් තිබේදැයි නොදනිමි.

අද මගේ සැබෑ මාතෘකාව “පරම අයිතිය” නොවේ. සැබෑ මාතෘකාව “කොළඹ නගරය”යි. කොළඹ නගරය අයිති කාටදැයි කියා දැනගැනීමෙන් පසුව, වෙනත් නගර සහ ගම් වල අයිතිය ගැන කල්පනා කර බැලීමට අපට මනස පාදාගැනීමට හැකි වනු ඇත. සාකච්ඡාව මදකට නවතා තවත් අතුරු කතාවකට යොමු වෙමු.
විලානි පීරිස් 2013 අගෝස්තු 2වැනිදා ලෝක සමාජවාදී වෙබ් අඩවියට වාර්තා කරන්නේ මෙසේය.

කොළඹ නගරය දකුණු ආසියාවේ වෙළඳ මූලස්ථානය බවට පත්කිරීමට සැළසුම් කරන ශ්‍රී ලංකා ආණ්ඩුව එහි පදිංචිකරුවන් නෙරපාහැරීම වේගවත් කරමින් සිටියි. ආයෝජකයන් හා සංචාරකයන් ආකර්ෂණය කරගැනීම සඳහා තවත් නගර කීපයක් හා වෙරළබඩ ප්‍රදේශ සංවර්ධනය කිරීමටද ආණ්ඩුව කටයුතු කර තිබේ.

පසුගිය මාසයේ නාගරික සංවර්ධන අධිකාරිය කොම්පඤ්ඤවීදිය දුම්රිය නැවතුම් ස්ථානය අසළ ගෙවල් 15ක් ආරක්ෂක හමුදාවන්ගේද සහය ඇතිව බලහත්කාරයෙන් කඩාදැමීය. තවත් පවුල් 119ක් සහ ව්‍යාපාරික ස්ථාන තුනක් ඉවත් කිරීම සඳහා නොතීසි නිකුත් කර ඇති නමුත් එම ස්ථාන හැර දමා යාම පදිංචිකරුවන් විසින් ප්‍රතික්ෂේප කර තිබේ.
නෙරපාහරිනු ලැබීමට මුහුණ දෙන මේ බොහො පවුල් වැඩි ප්‍රමාණයක් ජීවිකාව සරිකරගන්නේ ස්ථිර නොවන රැකියාවන්ගෙන් වන අතර තවත් සමහර පවුල් රජයේ සේවකයන් සහ කුඩා පරිමාණ ව්‍යාපාරිකයන්ය. ඔවුන්ගෙන් බොහෝ දෙනෙක් ඒ ප්‍රදේශයේ දශක ගණනාවක් තිස්සේ ජීවත් වන අය වෙති. පර්චස් දෙකක පමණ වූ කුඩා බිම් කැබලි තුළ කුඩා ගෙවල් සාදාගෙන ඇත. වන්දි වශයෙන් ඔවුනට පිරිනැමෙන්නේ ගෙයක් කුළියට ගැනීම සඳහා මාසයකට රුපියල් 18,000ක් බැගින් වන අතර එය මාස 18ක කාලයක් සඳහා පමණකි.

මේ ප්‍රදේශයේ හෙක්ටෙයාර් 1.4ක් බිම් කොටසක් සංවර්ධනය කිරීම සඳහා ආණ්ඩුවේ ආයෝජන මණ්ඩලය පකිස්ථාන සමාගමක් වූ ඉම්පීරියල් බිල්ඩර්ස් සමග ගිවිසුමක් අත්සන් කර තිබේ. පදිංචිකරුවන් ඉවත් කරන බවට නාගරික සංවර්ධන අධිකාරිය විසින් දෙන ලද සහතිකය මත ව්‍යාපෘතියේ වැඩ දැනටමත් ආරම්භ කර ඇත. පිහිනුම් තටාක, ක්‍රීඩාගාර, සමාජශාලා, රෙස්ටුරන්ට්, ක්‍රීඩාපිටියක් සහ තරු හතරේ හෝටලයක් සහිත වූ සුඛෝපභෝගී නිවාස සංකීර්ණයක් මේ ව්‍යාපෘතියට අයත් වේ.

ව්‍යාපෘතිය නිම වූ පසුව මේ නිවාස සංකීර්ණයේ ගෙවල් ලබාදෙන බවට ආණ්ඩුවෙන් ලබා දී ඇති පොරොන්දුව නෙරපාහරින ලද පවුල්වල අය විශ්වාස කරන්නේ නැත. ඔවුනට අනුව පකිස්ථාන සමාගම මේ භූමිය මිලදී ගෙන ඇත්තේ පර්චස් එකකට රුපියල් මිලියන හතර බැගිනි.

එක් කාන්තාවක් ලෝක සමාජවාදී වෙබ් අඩවියේ නියෝජිත සමග පවසා ඇත්තේ “අපට පර්චස් දෙකක් තිබුනා. ඉතින් අපි මිලියන් අටක් ඉඩම වෙනුවෙන් ඉල්ලුවත් බලධාරීන් එය ප්‍රති‍ක්ෂේප කළා. ඉතින් අපට ඒ සුඛෝපභෝගී ගෙවල් දෙයි කියල අපි කොහොමද විශ්වාස කරන්නෙ?” යනුවෙනි.

රුපියල් දහ අට දාහක මාසික කුළියේ වන්දිය පිළිගත් පවුල් කීපයක් දැන් කිලෝ මීටර් 6ක් විස්ථාපනය වී ඇති අතර ඔවුනගේ වෙළඳාම් කටයුතු ආදිය සඳහා දිනපතා කොම්පඤ්ඤවීදියට ගමන් කරති. සමහර අය තමනට පදිංචි වීමට තැනක් ලැබී ඇති නමුත් දරුවන් සඳහා පාසැලක් නොලැබීම නිසා, වන්දිය පිළිගැනීම ගැන පශ්චාත්තාප වෙති. ජීවිතය දුෂ්කර බව ඔවුහු කියති.
කොම්පඤ්ඤවීදිය ප්‍රදේශයෙන් 2008 වර්ෂයේදී ඉවත් කරන ලද පවුල් සඳහා ස්ථිර නිවාස ලබාදීමට ආණ්ඩුව තවමත් සමත් වී නොමැත. පවුල් 400ක් පමණ ඉවත් කරන ලද අතර ඉන් පවුල් 76ක් කොම්පඤ්ඤවීදියේ සිට කිලෝ මීටර් කීපයක දුරකින් පිහිටි වැලිගොඩවත්ත ප්‍රදේශයේ අටවාගත් පැල්පත් වල තවමත් දිවි ගෙවති.

 “අපට ස්ථිර රස්සාවල් නෑ. අපි කරන්නෙ මාළු අල්ලන එක වගේ වැඩ. ගැහැණු අය මෙහෙකාරියන් හැටියට ගෙවල් වල වැඩට යනවා. දැන් අපට බස් දෙක තුනක යන්න එන්න වෙලා. ඒක හරිම අමාරුයි.”

මෙවැනිම මුඩුක්කු ප්‍රදේශයක් වූ ඉබ්බා වත්තෙන් නෙරපාහරිනු ලැබූ අයත් සමාන ඉරණමකට හුහුණ දෙති. තොටළඟ නාගලගම් වීදියේ කඳවුරක ඇති ලෑලි ගෙවල් ඔවුන්ට පදිංචිය සඳහා ලැබී ඇත. ඔවුනට වන්දියක් ලැබී නැති අතර අනාගතයේ ස්ථිර නිවාස ලබාදෙන බවට වූ හිස් පොරොන්දුවක් පමණක් ලැබී ඇත. නාගරික සංවර්ධන අධිකාරියෙන් නිවාස ලබා දීමේ බලාපොරොත්තුව ඇතිව ඔවුහු තවමත් සිටිති.

නාගරික සංවර්ධන අධිකාරිය විසින් ප්‍රදේශය අවට ආරක්ෂක නිලධාරීන් යොදවා ඇති අතර කඳවුරේ පදිංචිකරුවන්ට අවවාද කර ඇත්තේ මාධ්‍ය වලට කථා නොකරන ලෙසයි. මෙහි පවුල් හැට පහක් ජීවත් වන බව වාර්තා වේ. “වැසිකිළි 18යි ස්ත්‍රී හා පුරුෂ වශයෙන් සමානව වෙන් කරල තියෙන්නේ. සමහර ඒව හරියට වැඩකරන්නෙත් නෑ” යනුවෙන් එක් පදිංචිකරුවෙක් පවසයි. පොදු ජල නලයක් ඔවුනට භාවිතා කිරීමට සිදු වී ඇත.

කොළඹ මෙට්රෝපොලිටන් සංවර්ධන ව්‍යාපෘතිය යටතේ මහින්ද රාජපක්ෂ රජය සැළසුම් කරන්නේ කොළඹ සහ තදාසන්න ප්‍රදේශ වලින් මුඩුක්කු නිවාස වල පදිංචි පවුල් 70,000ක් පමණ ඉවත් කිරීමටයි. 2008 සිට මේ දක්වා විවිධ ප්‍රදේශ වලින් පවුල් දහසක් පමණ ඉවත් කරනු ලැබ ඇත්තේ විරෝධතා මැඬලීමට සන්නද්ධ හමුදා සහය ලබාගනිමිනි.

ආරක්ෂක අමාත්‍යාංශය හා නාගරික සංවර්ධන අධිකාරිය ඒකාබද්ධව පවත්වාගෙන යන වෙබ් අඩවිය වාර්තා කරන්නේ මෙසේය.


මෙයට අමතරව, නාරාහේන්පිට, බාන්ස් පෙදෙස, බොරැල්ල, බෞද්ධාලෝක මාවත, වනාතමුල්ල සහ මාලිගාවත්ත ඇතුළු  කොළඹට තදාසන්න ප්‍රදේශවල පවුල් සිය ගණනකට නාගරික සංවර්ධන අධිකාරියෙන් සිය නිවාස අත්හැර යන ලෙස දැනුම් දීම් කර තිබේ.

නාගරික සංවර්ධන අධිකාරිය සහ ඉඩම් ගොඩකිරීමේ හා සංවර්ධනය කිරීමේ මණ්ඩලය 2010 වර්ෂයේදී ආරක්ෂක ලේකම් ගෝඨාභය රාජපක්ෂ නතුව ඇති ආරක්ෂක අමාත්‍යාංශය යටතට ගනු ලැබිනි.

තවද, මැද කොළඹ ප්‍රදේශයේ ඇපල්වත්ත ඉඩමේ පවුල් 1400කට පමණ තම නිවෙස් හැරදමා යන ලෙස දැනුම් දී ඇත. නාගරික සංවර්ධන අධිකාරියෙන් ඒ පදිංචිකරුවනට සුළු වන්දියක් සහ වැලිගොඩ වත්තේ හුදු මඩුවක් හෝ ගෙවල් කුලියට ගැනීම සඳහා මාසිකව රුපියල් 8000ක් ගෙවීමට තීන්දු කර ඇත. ඔවුහු මේ වන්දිය ප්‍රතික්ෂේප කර ඇත්තේ මින් පෙර නෙරපා හරින ලද ඔවු‍න්ගේ අසල්වාසීන් දැන් ජීවත් වන කටුක ආකාරය දැකීම නිසාය.
අවුරුදු 3කට පෙර මේ ප්‍රදේශයේ ගෙවල් 24ක් කඩා දමන ලද අතර එම පවුල් වැලිගොඩ වත්ත නමැති ප්‍රදේශයේ ලෑලි ගෙවල් වලට තාවකාලිකව යවන ලදී. තවමත් ඔවුනට ස්ථිර නිවාස නොමැත.

පවුල් 1400ක් එකතුව නෙරපාහැරීමට විරුද්ධව නඩුවක් දමන ලදී. ජූලි 11 වැනිදා මහාධිකරණය තීන්දුව දුන්නේ “පදිංචිකරුවන් වෙනත් ස්ථානයක පදිංචි කරවන තුරු” ගෙවල් කැඩීම නතර කරන ලෙසයි. මේ තීන්දුව වූකලි කාලය ලබාගැනීමක් පමණකි. ගෙවල් හැර දමා යන ලෙස නාගරික සංවර්ධන අධිකාරිය මිනිසුන්ට බලපෑම් කරන්නේ ආරක්ෂක හමුදාවන්ගේ සහයද ඇතිවයි.

ඇපල්වත්තේ බොහෝ පවුල් ජීවත් වන්නේ ලෑලි ගසා වහළයට තහඩු සෙවිලි කර ඇති කුඩා මඩු වැනි නිවාස වලය. පටු මාවත් සහිතව ඇසිරී ඇති මේ නිවෙස් වල ජීවත් වන්නන්ට පිරිසිදු පානීය ජලය සහ සනීපාරක්ෂක පහසුකම් වැනි මූලික පහසුකම් පවා නොමැත. මුළු ප්‍රදේශයටම ඇත්තේ වැසිකිළි 12කි. වැසි කාලයේදී අවට ඇති ඇළ මාර්ග උතුරා යාමෙන් මේ නිවාස නිරන්තරයෙන් ජලයෙන් යටවේ.

ආයෝජකයන්ට ඉඩම් ලබාදීම සඳහා මිනිසුන් තම නිවෙස් වලින් බලහත්කාරයෙන් පළවා හරිනු ලබන්නේය යන බරපතල කාරණය මෑත කාලීන සංවර්ධන කටයුතු වලදී අවතක්සේරු කර තිබේ.

ඩොලර් මිලියන 406ක් ආයෝජනය කරන බවට සහතික වී ඇති ඉන්දියාවේ ටාටා නිවාස සංවර්ධන සමාගමට කොම්පඤ්ඤවීදියේ හෙක්ටෙයාර් 2.4ක් ආණ්ඩුව විසින් ලබාදී ඇත. මෙම ව්‍යාපෘතියට වෙන් කර ඇති භූමි ප්‍රදේශයේ පවුල් 456කට සහ ව්‍යාපාරික ස්ථාන 90කට පිට වන ලෙස නාගරික සංවර්ධන අධිකාරිය විසින් නියෝග කර ඇත.

ජූනි 30වැනිදා ද සන්ඩේ ටයිම්ස් වාර්තා කළේ ඩොලර් මිලියන 300ක ආයෝජන ව්‍යාපෘතියක් සඳහා කො‍ළඹ නගරයේ පළමු පෙළේ බිම් කොටසක් එවික් ඉන්ටනැෂනල් කෝපරේෂන් නමැති චීන සමාගමට පවරා දී ඇති බවය.

ආණ්ඩුව කොළඹ නගරයෙන් බැහැරව‍‍ ඇති තවත් නගරවල සහ වෙරළ බඩ පෙදෙස් වල ද සංවර්ධන ව්‍යාපෘති සැළසුම් කර තිබේ.

මෑතකදී, නාගරික සංවර්ධන අධිකාරිය දඹුල්ලේ නිවාස 44ක් කඩා බිඳ දැමූ අතර තවත් නිවාස 64ක පදිංචිකරුවනට නිවෙස් හැර යන ලෙස දැනුම් දී ඇත.

මේ නිර්දය නෙරපාහැරීම් වූකලී ශ්‍රී ලංකාව මත පතිත වී ඇති ලෝක ආර්ථික අර්බුදයේ බලපෑමයි.
Copyright © 1998-2013 World Socialist Web Site - All rights reserved

පොදු යහපත උදෙසා උපුටා පළකරනු ලබන බැවින් කොපිරයිට්ස් නොසළකා හරින මෙන් ලෝක සමාජවාදී වෙබ් අඩවියෙන් ඉල්ලමි.
අපේ කතාව ලබන සතියේ නැවත පටන් ගනිමු.

2013-07-03

හෙළ දරුවෝ සංවිධානයෙන් පෙත්සමක් | A petition from Hela Daruwo

හෙළ දරුවෝ සංවිධානයෙන් පෙත්සමක් | A petition from Hela Daruwo

දිනෙන් දින පරිහාණියට පත්වන ශාසන විනය යළි සුරක්ෂිත කරනු වස්, හෙළ දරුවෝ සංවිධානය විසින් ආරම්භ කරන්නට යෙදුණු සංදේශයක් පිළිබඳව අපට දන්වන්නට යෙදී තිබේ. සියලු වාද භේද පසෙක ලා, ශාසනාලයයෙන් යුතුව සියලු බෞද්ධයෝ මෙයට සහය දෙත්වා යැයි අපි දූ අපේක්ෂා කරමු. 

සංදේශය

අති පූජණීය,ගෞරවණීය මහා නායක හිමිපාණන් වහන්සේලා වෙතටයි!

රට තුල සීග්‍රයෙන් පැතිර යන අන්තවාදි චීවරධාරීන්ගේ ක්‍රියාකලාපය පිලිබඳවයි 

හෙළ දරුවෝ නම් වන අප සංවිධානය, නිර්මල වූ බුදු දහමට මුවාවී කලෙක පටන් රට තුල සිදුවන අන්තවාදී ක්‍රියාකරකම් පිලිබඳ අවධානයෙන් සිටි සංවිධානයක් බව ඔබ වහන්සේලාට මුලින්ම දැනුම් දෙනු කැමැත්තෙමු. 

ඔබ වහන්සේලාද දන්නා පරිදි රටේ මේ වන විට බොදු බලය, රාවණා බලය, සිහල රාවය යනුවෙන් අටවාගත් සංවිධාන ගණනාවක් ක්‍රියාත්මක වෙමින් පවතී. මේ ඇතැම් සංවිධාන මෙහෙයවන භික්ෂූන් වහන්සේලා යැයි හඳුන්වාගත් පුද්ගලයින්ගේ දුසිල්වත් භාවය හා ක්‍රියාකාරකම්, වසර 2500 ක් මුළුල්ලේ අඛණ්ඩව රැක ගත් ථේරවාදි බුදුදහමට, දේශීයව මෙන්ම ජාත්‍යන්තරව ද කළු පැල්ලම් එක් කරමින් පවතී. මෙවන් සංවිධානයක මහ ලේකම් යැයි හඳුන්වාගත් එක්තරා චීවරධාරියෙක් සමග පසුගිය දා දෙරණ 360 වැඩසටහනේදි කල සාකච්ඡාවේදි හෙළි වුයේ ඔහු විසින් බීමතින් රිය පදවා අධිකරණයෙන් දඬුවම්ද ලැබු අයෙකු බවය .එමෙන්ම මෙවැනි ඇතැම් සංවිධාන විසින් නීති විරෝධීව රටේ නීතිය අතට ගෙන ව්‍යාපාරික ස්ථානවලට කඩා වැදීම, විනාශ කිරීම, ගිනි තැබීම, ගල් මුල් ගැසීම වැනි ක්‍රියා වල නිරත වු බවද මාධ්‍ය මගින් ඔබවහන්සේලා දැනුවත් වන්නට ඇතයි අපි විශ්වාස කරමු. 

මේ සියල්ලකගෙන්ම ශ්‍රී ලංකාවේ බුදු දහමට ජාත්‍යන්තර වශයෙන් එල්ලවන අපකීර්තිය සුළු පටු නොවන බවත්, එයින් රටට විරුද්ධව අවලාද නගනවුන්ගේ ක්‍රියාකාරකම් වලට පැහැදිලි අනුබලයක් ලැබෙන බවටත් වටහා ගැනීමට, උගත් බුද්ධිමත් මෙන්ම වයෝවෘධ, ගුණවෘධ සංඝ පීතෘවරයන් වහන්සේලා වන ඔබ වහන්සේලාට අපහසු නොවන බව අපි විශ්වාස කරන්නෙමු. 

ගරු මහනායක හිමිපාණෙනි, හෙළ දරුවෝ සංවිධානයෙ සාමාජික අප විසින්, සැබෑ බෞද්ධයන් වශයෙන් ශ්‍රී ලාංකික සියලු බෞද්ධයන් වෙනුවෙන් ඔබ වහන්සේගෙන් මේ මොහොතේ ඉල්ලා සිටිනුයේ, අතීතයේදි ද සංඝ සමාජයේ හා සකල බෞද්ධයාගේ උන්නතිය වෙනුවෙන් සිදු කළා සේ, මේ දුසිල්වත් භික්ෂුන් පිරිස ශාසනයෙන් නෙරපා දමා, බුද්ධ ශාසනයේ හා උතුම් අර්හත් ධජය වු බුද්ධ චීවරයේ ගරුත්වය රැක ගැනීමට සෙසු මහානායක හිමිවරුන් සමග පෙරමුණ ගන්නා ලෙසයි. සංඝ සමාජයේ කටයුතු වලට ගිහියන් වන අපට මැදිහත් විය නොහැකි බැවින් මේ සඳහා සුදුසුම ලාංකික සංඝ සමාජයේ නායක්ත්වය දරණ ඔබ වහන්සේලා බව අපි උදක්ම විශ්වාස කරමු. ඒ කටයුත්ත සඳහා ඔබ වහන්සේලාට අවැසි ධෛර්යදය ශක්තිය ලබා දීමට අපි නිරතුරුව සූදානම් බවද අපි ඔබවහන්සේලාට ගෞරව පූර්වකව දන්වා සිටිමු. 

ඒ සඳහා නායකත්වය ගෙන මේ සත් ක්‍රියාවට මුලපුරණ මෙන් ශාසනාලායයෙන් සහ බුදු සසුන කෙරෙහි උපන් ශ්රඳද්ධා භක්ති සම්පන්න අවංක ශාසන සංවේගයෙන් යුතුව, අපි ඔබවහන්සේලාට මෙයින් ආරාධනා කර සිටින්නෙමු. 

බුදු සසුන රැකගනිමු !
හෙළ දරුවෝ දිනවමු !
අන්තවාදය පිටු දකිමු !
බුදුන් දෙසු මග ඔස්සේම යමු !
තෙරුවණ සරණයි !
මෙයට දෑ හිතකාමී
හෙළ දරුවෝ 
 
පොදු යහපත උදෙසා http://thahanamwachana.blogspot.com/2013/07/petition-from-hela-daruwo.html අඩවියෙන් උපුටාගැනීමකි 
 
කරුණාකර තව තවත් ප්‍රචාරය කරන්න

2013-06-06

සිංහලයාගේ අභිවෘද්ධිය ඇති කළ හැක්කේ කෙසේද?

යටිගිරියෙන් බෙරිහන් දෙමින්, ගිනි තියමින්ද, කඩ කඩමින්ද, අඳුර නැති කිරීම සඳහා පෘථිවියේ භ්‍රමණය නවත්වන්නට හදන එවුන් අතර පහනක් දල්වන්නට යත්න දරන අයකු ඔබ දැක තිබේද?


ඔහු නමින් තඹරු නවෝද්‍ය විජේසේකර (Thambaru Navodya Wijesekara) නම් වේ. හේ මගේ නෑදෑයකු හෝ හිතවතකු නොව අද මේ වෙබ් අවකාශයේ සැරි සරද්දී අහම්බෙන් හමු වූ චරිතයකි. මේ වන තෙක් මා ඔහු හා කිසිදු ගනුදෙණුවක්, දුරකථන සංවාදයක්, ලිපි හුවමාරුවක් සිදු කර නොමැත. මා දුටු ඔහුගේ පෞද්ගලික වෙබ් පිටුවෙන් අපට සෑහෙන පිටිවහලක් ලැබේ.

සිංහලයාගේ අභිවෘද්ධිය පතා ඔහු කිහිප ආකාරයකින්ම විශ්ව දැනුම සිංහලෙන් බෙදාහරින්නට උත්සාහ දරයි. ඔහුගේ බ්ලොග් සයිට් එක පවා හුදෙක් තවත් එක පල් හෑල්ලක් නොවේ.

මේ කෙටි ලිපිය ලිව්වේ තවම ඔහුගේ පිටුව හමු වී ‍නොමැති බ්ලොග් පාඨකයන් සඳහාය.





2013-05-31

ගවයන් ගැන කතා දෙකක්

මේ වන විට අන්වර් මනතුංග නමැති වෙබ් පිටුවට ලංකාව තුලදී පිවිසිය හැක්කේ ප්‍රොක්සියක් හරහා පමණකි. මේ හේතුව නිසා, පසුගිය කාලයේ "හලාල් කේස්" නැගල යන කාලයේදී නිතරම පාහේ කියවූ අන්වර්ගේ පිටුව බැලීමට මට අමතක වී ගියේය. එසේ වුවත් මගේ බ්ලොග් රෝලේ ඔහුගේ බයිලාවන් නිතර නිතර අප්ඩේට් වෙමින් පැවතිනි. පසුගිය දිනක ඔහු මහදැනමුත්තෙකු මෙන් අති පණ්ඩිත කථාවක් කරමින් කියා ඇත්තේ (1) ගවයන් මිනිසුනට නොවඳින බවත්, (2) එක්තරා ස්වාමීන් වහන්සේ නමක් තමන් වහන්සේට ගවයකු වන්දනා කරන අයුරු ඡායාරූපගත කරවාගෙන එයින් බිස්නස් කරන බවත්ය. කතාව ටිකක් දරුණු බැවින් මම ප්‍රොක්සිය හරහා ‍ගොස් එම ලිපිය කියවූයෙමි.

අන්වර්ට අනුව (ඔහුට අ.මනතුංග කියා ඇමතීමට තරම් දෙකේ කොළේ ළදරු මානසිකත්වයක් මට නැත.) වසු පැටවුන්ගේ බෙල්ලට ලණුවක් යෙදූ පසුව ඇති වන කැසිල්ල නිසා වසු පැටවුන් සිය බෙල්ල පොළොවේ ඇතිල්ලීමට තැත් කරන අතර කවුරුන් හෝ ඒ වසුපැටියා ඉදිරිපිටට ගොස් වසුපැටියාගේ වන්දනාව තමන්ට ලබාගැනීමට හැකිය. වසු පැටවුන්ටත් වැස්සියන්ටත් කුඩා කාල‍යේදීම එනම් ඉපදී සතියක් දෙකක් වැනි කාලයකදී ලණුවක් ගැටගැසීමට සිදු වන්නේ එළදෙනගෙන් කිරි දොවන අවස්ථාවේදී පැටියා එළදෙන ළඟ තැබිය යුතු වීමත් වරින් වර පැටියාට කිරි බොන්නට දී නැවත ඉවතට ගෙන ගැටගැසීමත් අපේ රටේ ග්‍රාමීය කිරි කර්මාන්තයේ සුපුරුදු කටයුත්තක් නිසාය. ඒ කර්මාන්තයේ කලකට ඉහතදී නියැලී සිටි මම අවම වශයෙන් වසු පැටවුන් (හෝ වැස්සියන්) දහ දෙනකුගේවත් මෙසේ ලණු ගැටගසා ඇති නමුත් ඒ එකකුවත් මට වැන්දේ නැත.

එසේ වුවත්, දැඩි චිත්ත පීඩාවකට හෝ භීතියට ලක්වූ සතුන් මේ ආකාරයට අභය දානය ඉල්ලමින් හෝ තමන්ගේ අවශ්‍යතාව ඉටු කරදෙන ලෙස ඉල්ලමින් කරනු ලබන වැඳීම මා අත් දැක තිබෙන බව මේ ගව ඝාතන මාතෘකාව කරළියට එන්නට පෙර මා විසින් ලියා ඇති ලිපියක සඳහන් වේ.මා එහි කියා ඇත්තේ පූසියක් සිය පැටවුන් ඉල්ලා මට වැන්ද හැටි ගැනයි. මේ නිසා, අන්වර්ගේ අතිපණ්ඩිත කතාව සම්පූර්ණයෙන්ම ප්‍රතික්ෂේප කරන්නට මට අයිතියක් තිබේ.

එහෙත් අන්වර් කියන දෙවැනි කාරණය ගැන නම් මා කිසිත් කියන්නේ නැත. තමනට වන්දනා කිරීමේ සිද්ධිය උපයෝගී කරගෙන යමකු බිස්නස් එකක නියැලෙනවායැයි සිතීමට මේ කාලයේ ඇති තරම් හේතු තිබේ.

ඒ කෙසේ වුවත්, මරණයට පත් ගවයකු නිදහස් කිරීමේ පුණ්‍ය කර්මය ගැන මට මෙවැනි අත්දැකීමක් ඇත.

එක්තරා  වැඩිහිටියකුට ගවයකුට අභය දානය දීමේ අදහසක් පහළ විය. ඔහු ඒ සඳහා තවත් අය සම්මාදම් කරගැනිමටද අමතක නොකළේ තනිව එය සිදුකිරීමට ආර්ථික වශයෙන් අපහසු නිසා නම් නොවේ. පුණ්‍ය කර්මයකදී කවුරුත් සම්මාදම් කරවා ගැනීම තවමත් අපේ ගම්වල සිදු වන යහපත් පුරුද්දකි. කෙසේ වුවත්, ඔහු අභය දානය දුන්නේ ඝාතනාගාරය වෙත ගෙන ගොස් තිබුනු ගවයකුට නොව, ගොවිපොළේදී ඝාතනය සඳහා ලැයිස්තුගත කර තිබුන ගවයකුටය. එහිදී ගවයා වෙනුවෙන් ගෙවන්නට සිදුවන මිල අඩු ය. ඝාතනාගාරය වෙත ගෙන ගිය ගවයන් සඳහා ගෙවිය යුතු මිල අධිකය. (එක් ගවයකු වෙනුවෙන් ගෙවන මුදලට පැට්රල් ගැලුම් දාහක් පමණ මිලට ගැනීමට හැකිය. එහෙත් එක් ගවයකුවත් මරණයෙන් ගැලවෙන්නේ නැත)

මෙම පුණ්‍ය ක්‍රියාව සඳහා ගමේ පන්සලේ ස්වාමීන් වහන්සේගේ අනුශාසකත්වය නොමඳව ලැබුනු අතර නිදහස් කරගත් ගවයා ඇති දැඩි කරගැනීමද තවත් ගැමියකු වෙත පවරා තිබිනි. එක්තරා පොහොය දිනයක පන්සලේ සුළු උත්සවයක් සූදානම් කරන ලදුව පෙර දිනයේ ගොවිපොළ වෙත ගොස් අදාළ ගවයා මිලට ගෙන ගෙදර මිදුලේ ගැට ගසන ලදී. උත්සවය සඳහා ගෙදර සිට පන්සල දක්වා ගවයා රැගෙන යනු ලැබුනේ බැනරයක් පෙරටු කොටගත් පෙරහැරකිනි.

උත්සව සභාවේදී විරෝධයක් මතු විය. එනම්, ඝාතනාගාරයෙන් මිලට නොගෙන ගොවිපොලෙන් මිලදී ගැනීම නිසා මෙහිදී අභය දානය දීමක් සිදු නොවන බවට ඇති වූ තර්කයයි. කිහිප දෙනකුගේ මැදිහත් වීම නිසා තත්වය සමථයට පත් වුවත්, ඇතැම් අය සිතා සිටින්නේ මස් මුදලාලිට වැඩි මිලක් ගෙවා ගවයා නිදහස් කරගැනීම අභය දානය බවත්, මස් මුදලාලි ගවයා මිලදී ගැනීමට පෙර, මස් මුදලාලි ගෙවන මිල ගොවිපොල අයිතිකරුට ගෙවා ගවයා මිලදී ගැනීම අභය දානයක් නොවන බවත් ය.

ඒ අනුව, අභය දානය සම්පූර්ණ වන්නේ මස් මුදලාලිගේ ආර්ථිකය දියුණු වීම සඳහා කටයුතු කළහොත් පමණකි. මස් මුදලාලි ගවයා විකුණන්නේ මස් විකුණා ලැබෙන ආදායමට සමාන මිලකටය. නැතිනම් ඔහුට සිදුවන්නේ පාඩුවකි.




2013-05-09

මෙන්න අපි බිස්නස් කරන හැටි

ලෝකප්‍රකට 9/11 පුහාරයේදී කඩා වැටුනු බොහෝ දේවල් ප්‍රතිසංස්කරණය කෙරෙන්න වැඩි කාලයක් ගත වු‍නේ නෑ. එක්තරා මායිම් වැටක් අළුත්වැඩියා කරන්න රාජ්‍ය දෙපාර්තමේන්තුව ටෙන්ඩර් කෝල් කළා. මේක ජාත්‍යන්තර ටෙන්ඩරයක්. ඒ කියන්නෙ ඉන්ටනැෂනල් කම්පිටිටිව් බිඩින්ග් සිස්ටම් එකටයි වැඩේ සිද්ද වෙන්නෙ. හැබැයි ඕපන් ටෙන්ඩර්. ඒ කියන්නෙ මිල ගණන් සීල් තියපු ලියුම් කවර වල දාල ටෙන්ඩර් පෙට්ටියට දාන්නෙ නැතුව, ‍වැඩේ බලල ඒ වෙලාවෙම ගාන කියනව.

ඔන්න ඇමරිකන් සමාගමක්, චීන සමාගමක් සහ අපේ පොරක් මිලගණන් ඉදිරිපත් කරන්න සෙට් වුනා. මිල ගණන් ඉදිරිපත් කරන්න ඉස්සෙල්ල වැඩේ පරීක්ෂා කරන්න වෙන බව ප්‍රසම්පාදන දැන්වීම පළකරද්දි කියල තිබුන. ප්‍රසම්පාදන දැන්වීම් කියන්නෙ ඔය ටෙන්ඩර් දැන්වීම් වගේ එව්වට තමයි. මේ තුන්දෙනාම සයිට් එකට එක්ක ගියා වයිට් හවුස් එකේ ඔෆිසර් කෙනෙක්.

ඉස්සෙල්ලම ඇස්තමේන්තුව දෙන්න ඉදිරිපත් වුනේ ඇමරිකන් කාරයා. මෑන් ටේප් එකක් එහෙම අරගෙන ඇවිත් දිග පළල උස ඔක්කොම මැනල කරල ලැප්ටොප් එකත් අරගෙන පැත්තකට වෙලා මොනවදෝ කරල ඉවරවෙලා කිව්ව මෙහෙම.

මේකට ඩොලර් 900/- ක් වෙනව. ඒ කියන්නෙ බඩු වලටම හාරසීයයි. අපේ ටීම් එකට කුලිය හාරසීයයි. මට ඉතුරුවෙන්නෙ සීයයි.

දැන් චීනාගෙ වාරෙ. මෑන් කළෙත් අර වැඩේමයි. හැබැයි මිනිහගෙ ලැප්ටොප් එකට ඩොංගල් එකක් හයි කරල තිබුන. අවසානෙදි ගණන ඉදිරිපත් වුනා.

මගේ ගණන 700/- යි. බඩු වලට තුන්සීයයි. අපේ කොල්ලන්ට තුන්සීයයි. මට සීයයි.

ඔන්න දැන් අපේ පොර යනව ඇස්තමේන්තුව දෙන්න.

පොර මැන්නෙත් නෑ. ලැප්‍ටොප් ගෙනාවෙත් නෑ. අත් දෙක වන වනා ගිහින් කිව්ව 2,700/- යි කියල.වයිට් හවුස් පොරට තරු විසි වුනා. ඈ යකෝ (ඌ දන්නව අපි යක්ෂ ගෝත්‍රිකයන්ගෙන් පැවතෙන බව) උම මේක මැන්නෙත් නෑ. නිකම්ම උඩ බලාගෙන ඉඳල අස්ප ගානක්නෙ කිව්වෙ. දැන් අර චීනා මේක 700ට කරල දායි.

"කෑ ගහන්න එපා අයිසෙ" අපේ මෑන් හෙමිහිට කිට්ටු කරල රහසින් වගේ මැතිරුවා. "පොඩ්ඩක් කල්පනා කරපන්, මට දාහයි, උඹට දාහයි හරිනෙ."
"හරියන්නෙ කොහොමද, එතකොට වැඩේ කරන්නෙ උඹද මමද?"
"ඇයි තව හත්සීයක් තියෙන්නෙ. ඒක අපි අර චීනට දීල වැඩේ කරගනිමු."
"ඕ කේ හෙටම පටන් ගන්න" කියපු වයිට්හවුස් කාරයා යන්න ගියා.

2013-04-30

එහෙමයි හාමුදුරුවනේ (18+)



කවුදෝ කාන්තා රත්නයක් අපේ බො‍සාගේ මූනු පොත් ගිණුමට මැසේජ් එකක් දාල.

ඒයි හෙනහුරෝ මේ බලපං කවුද මේ කෙල්ල?

ම්හ් මං දන්නෙ කොහොමද කාගෙවත් එකවුන්‍ට් එකක තියෙන මෙසේජ් එකක් දැම්මෙ කවුද කියල.

නැ බං මං කල්පනා කළේ මට මෙහෙම ඩයල් එකක් මතක නෑනෙ.

ඔන්න ලොක්ක ඇනගත්ත තැන. ඕකෙ තියන ප්‍රොෆයිල් ෆොටෝ ඔක්කොම ඔය ලියන එකාලගෙ පින්තූර කියලද හිතන් ඉන්නෙ?

ඒකත් හැබෑව තමයි. මොකක්ද බං මේ ලින්ක් එකක් තියෙන්නෙ.

ක්ලික් කරල බලපන්කෝ වැඩි වියදමක් යන්නෙ නෑනෙ.

අම්මට උඩු මේ අපේ ජාතිය ආගම ගැන ආදරේට දාපු පේජ් එකක් නේද? උඹට කියන්න බං දැන් මේ වගේ එව්වොත් නැති උනානං අපේ රට ජාතිය ආගමට මොනවයින් මොනව වෙලාද කියල හිතාගන්නවත් බෑ බන්.

ඒ වගේ තමා කියවල බලපන් ඔය විස්තර ටික, කමෙන්ට් ටිකත් එක්කම.

අඩේ මේ ධර්ම චක්කරේම දාල තියෙන්නෙ ‍කමෙන්ට් එකක්. බුදුහාමුදුරුවෝ වෙන්නනම් බෑ නේද?.
නෑ නෑ කවුරුහරි ආගම භක්තිය තියන සැදැහැවන්තයෙක් වෙන්න ඇති.කියවල බලපන්කො.

ම්ම්ම්ම් .......මන් වේජ් පැට්ටා වෙසි....ඒයි දොර වහපන් පොඩි එකා එයි.

ඇයි බොස් පොඩි එකා ක්‍රිස්තියානිද?

නෑ බන් මට මේ මේ සිංගිරිසි කියවනකොට පැටලෙනවා.  නරක වචනයක් වගේ කි‍යවෙන්න ආවා.

· 
· 
Noel Perera mun wage patta wesiyo thamai budu dahamata nigraha karanne,patta wesiyanta pare dala hukanna one
20 April at 21:16 · Like

ප:ලි: මේක 18+ කියල දැම්මෙ වැටෙන්නට නියමිත කමෙන්ට් ගැන සිතාගෙනය.