හිමිදිරියේදි ඔක්කාරය ඇතිවීම
පණ නැති ගතිය සහ දෙකකුල් ඉදිමීම
ඇති වන නිසා එක දවසක උදයේම
දොස්තර වෙත ගියා ඇය, හිමි සමගින්ම
පෙනෙනා ලෙසින් ඔබහට රෝගයක් නැත
එනමුත් මවක් වන්නට එන ලකුණු ඇත
යොමු වූවොතින් යූරින් ටෙස්ට් එකක් වෙත
දැනගත හැකිය සැකයක් නොමැතිවම සිත
සැනසී දොස්තරගෙ වැදගත් උපදේසෙන්
දෙදෙනා ගියා ලැබ් එකකට අධි වේගෙන්
සාම්පලය දීලා ආවේ විගසින්
රිපෝට් එක පසුදින ගන්නා අටියෙන්
ඇඹණිය ගෙදර රඳවා සුපුරුදු විලසින්
රස්සාවට යන විට නගරය මැද්දෙන්
ගොඩ වීලා ලැබ් එකටත් කතහනියෙන්
ගත්තා ප්රතිපලේ ගෙවලා බිල මුදලින්
රිපෝට් එක බැලුවා දොස්තර මහතා
කණ්ණාඩිය නළලේ මැද්දට ගත්තා
සතුටු වෙන්න පුළුවනි මින් ඔබට ඉතා
ඔබ වෙන්නැති නේද දරුවගෙ තාත්තා
පොසිටිව් කියා ලියලා තියනව මේකේ
දැන් තියනවා පොඩි බඩකුත් මාස දෙකේ
වහා ගිහින් නගර සභා ක්ලිනික් එකේ
රෙජිස්ටර් වුනේ නැත්නම් වැටෙයි දුකේ
සති දෙකකට වරක් එයි මිඩ් වයිෆ් කෙනෙක්
මාසයකට වරක් යන්නට වෙනව ක්ලිනික්
දෙනවා ත්රිපෝෂත් තව විටමින් පෙත්තක්
මේවා නොගෙන ඉන්නා එක මෝඩ කමක්
විස්තර සියල්ලම රඳවාගෙනම හිතේ
හාෆ් ඩේ එකට අත්සන් කළා පොතේ
කෝල් එකක් හනි හනිකට අරගත්තේ
දන්වන්නයි වයිෆ්ට මෙහි ඇති තත්තේ
මාස දෙකක් ගත වී ඇති බව බඩට
කළබල කළා හිත ඇයගේ තරමකට
ගියහොත් නගර සභාවෙ සායනයකට
වෙනවා ඩොක්ටගෙන් හොඳ හැටි අහගන්ට
ඉන්නා විටදි ඒ ගැන කල්පනාවේ
දුරකතනයයි නැවතත් මහ හඬ ලෑවේ
රිසීවරය ගෙන හලෝ කියා කීවේ
පොඩ්ඩක්වත්ම හොඳ සිහියක් ඇතිව නොවේ
නගර සබාවේ එකවුන්ටන් මමය
කෝල් කළේ මතකය යළි ගෙනෙන්නය
හැමදාමත් කරනා මෙම ප්රමාදය
ඔබනම් මින් පසුව නවතා ගතයුතුය
දැනටත් මාස දෙක පසුවී ඇත බිලට
රාජකාරි කරන්න වෙනවා අපට
දන්වා සිටින්නයි කතා කළේ නුඹට
හෙට මං කියන්නම් ඔබ වෙත එන්න කියා
ඔහුට කියා දුන්නොත් විස්තරය ඔයා
කළ යුතු දේ කරාවි වැඩි දවස් නොයා
* ** * ** * ** * ** * ** * ** * ** * ** * ** * ** * ** * ** * ** * ** * **
නෝනා කිවු කතාව ගැන කලබලයෙන්
නගර සබාවට ගිය ඔහු හිමිදිරියෙන්
අල්ලාගෙන එහි සිටිනා එකවුන්ටන්
ඇහුවා දිගට හරහට ඒ ගැන මෙලෙසින්
අතපසු වීමකට ඇයි මුදලක් ගන්නේ
මේ වගෙ සිද්දි ඇයි හැම තැන පැතිරෙන්නේ
මාස දෙකේ කතාව කොහොමද දන්නේ
යම්තම්වත් නෑ මටනම් වැටහෙන්නේ
කොම්පියුටරෙන් ඒ සියල්ල පෙන්වන්නේ
කීවත් නොකීවත් ඒ දෙය ඇත්තක්නේ
තවදුරටත් කතාව වැඩකට නැහැනේ
මුදල් ටික ගෙවා දැම්මම ඉවරයිනේ
මේ නම් පුදුම සිදුවීමක් බව නිසැකයි
ඔබගේ කතාවත් බොහෝම සැර පරුෂයි
මේ දින වලදි අප හට අග හිඟ බොහොමයි
මුදල් ගෙවන්නට ක්රමයක් නැතුවාමයි
මේවා ගැන කළින් හිතන්නයි තිබුනේ
ඔබ දැන් පොඩි බබෙක් වාගෙයි හැසිරෙන්නේ
නොගෙව්වොත් කපන්නයි මට සිදුවන්නේ
නැවතත් මෙහෙම දේවල් නොකරන ලෙසිනේ
අයියෝ මේක අසාධාරණයි නේද
කැපුවට පස්සෙ ඇය අසරණ වෙන්නැද්ද
ජීවිතයක් අඳුරු කළහම පව් නැද්ද
ඕකට වෙන විකල්පයක් කියනවද
විකල්ප ගැන අපිද කියන්නට ඕනා
ඒවා ගැන දන්නව ඔබගේ නෝනා
කැමති වෙයි අඩු මිලට කඩවල් වල තිබෙනා
ඉටිපන්දම් ගහගන්නට එක හිතිනා
