2012-01-09

ටී ෂර්ට්

මොබයිල්මෑන් මුලින්ම වගේ දාපු පෝස්ට් නැවත මතක් විය.
ශ්‍රී දළදා මාලිගාවේ රූපය ටී ෂර්ට් එකක මුද්‍රණය කරලලු.ඒකෙන් බුද්ධාගමට අපහාසයක් වෙනවලු. මේ ලුලු කතාවක් දාන්නෙ මොබයිල්මෑන් දැකපු නැති දෙයක් ගැන කතා කරන නිසයි. ඒ කියන්නේ මොබයිල්මෑන් ඒ ටී ෂර්ට් දැක්කෙත් නෑ. ඒ ටී ෂර්ට් නිසා බුද්ධාගමට අපහාසයක් වෙනව හෝ ඉදිරියේ වෙයි කියා දැක්කෙත් නෑ.
දැන් මේ පිංවතුන් දැකල තියනවද ප්‍රයිවෙට් බස්? මේ පින්තූරෙ වගේ බස් දැකල තියනවද?

ඒකෙන් වෙන්නෙ අපහාසයක්ද, උපහාසයක්ද, වන්දනාවක්ද?
මොබයිල්මෑන් මොකක්දෝ බ්ලොග් එකකට දැම්ම මේ වගේ කමෙන්ට් එකක්.
අපි අඳින ඇඳුම් වලින් සමහර ඇඳුම් පහත් ලෙසත් සමහර ඇඳුම් උසස් ලෙසත් අපි සම්මතයක් හදාගෙන සිටිමු. සාමාන්‍යයෙන් බැලුවොත් ඉනෙන් පහළට අඳින දෙපයින් රිංගවාගන්නා ඇඳම් පහත් ඒවාය. ඉනෙන් ඉහළට අඳින හිසෙන් රූටවාගන්න ඇඳම් උසස් ඒවාය.
(මෙය සාමාන්‍ය පිළිගැනීමයි. සම්මතයට එරෙහි වෙමින් වීරයන් වීමට දඟලන පුස්සන්ගේ පුහු තර්ක වලට පැටලෙන්නට මොබයිල්මෑන් අදහස් නොකරයි.)
පහත්යැයි සම්මත ඇඳම් වලට උසස් වස්තුවක පින්තූරයක් යෙදීම නොහොබිනා ක්‍රියාවකි. එසේ වුවද, උසස් ඇඳුමකට උසස් දෙයක රූපයක් යෙදීමෙහි වරද කිමැයි මොබයිල්මෑන්ට වැටහෙන්නේ නැත.
දළදා මාලිගාවේ රූපය මුදල් නෝට්ටු වල තිබෙනවා නේද? තැබෑරුමෙන් අරක්කු මිලට ගන්නේත්, ගණිකාවන්ට ගාස්තු ගෙවන්නේත් ඒ මුදල් නෝට්ටු පාවිච්චි නොකරමින්ද?
දළදා මාලිගාවට  නොව දළදාවට වඳින්නට අප පුරුදු විය යුතුය.
පූජනීය සංකේතයක්” හා “පූජනීය වස්තුවක් ඇති ස්ථානයක්” අතර වෙනස අප හඳුනාගත යුතුය.

1 comment:

ඔබේ අදහස කියන්න.
මේ ලිපිය මෙතැනින් උපුටාගත් බව දක්වමින් ඕනෑම තැනක පළ කිරීම ගැන ලියුම්කරුගේ අමනාපයක් නැත.
මේ ලියමන ගැන දක්වන අදහස් පිළිබඳ වගකීමට ලියුම්කරු බැඳී නැත.
තෙවැනි පාර්ශවයකට අපහාස වන අන්දමේ නිර්නාමික අදහස් දැක්වීම්වලත් යම් අර්ථයක් ඉස්මතු නොකරන වචන පේළි වලත් කිසිදු ප්‍රයෝජනයක් නැති නිසා ඇතැම් විට ඒවා ඉවත් කරනු ඇත.
ඔබේ අදහස් දැක්වීම් ගැන සතුටු වෙමි. ධනාත්මක විවේචන වලට බෙහෙවින් ස්තුතිවන්ත වෙමි.