2012-10-07

අළුත් මිනුම් දණ්ඩක්


ලෝකෙන් උතුම් රට ලංකාවයි කියලා අපි ගායනා කරනවනෙ. එහෙම කිව්වට වැඩියෙන්ම උතුම් මොකක්ද කියල හොයාගන්න තියන මිනුම් දණ්ඩ මොකක්ද කියල ඔබ දන්නෙ නැහැ නේද? උසම කන්ද, විශාලතම රට ‍වගේ දේවල් දැනගන්න පුළුවන් උස, වර්ගඵලය (ඉඩම් ප්‍රමාණය) වගේ දේවල් මනින්න පුළුවන් නිසා. මනින්න අමාරු දේවල් තමයි, ලස්සන, දක්ෂකම වගේ ගති ලක්ෂණ. ඒ නිසා ඒකට පැනල් එකක් එහෙම නැත්තං කීප දෙනකුගෙන් යුක්ත විද්වත් මණ්ඩලයක් පත් කරගෙන ඔවුන්ගේ පොදු අදහස් අනුව තමයි තීරණය ගන්නේ. රූප රැජිණි තෝරන්න, සුපර් ස්ටාර් තෝරන්න එහෙම අනුගමනය කරන ක්‍රම වේදය ඒකයි. ඒත් ඒ වගේ තැන් වලදී ලැබෙන තීරණය නිරපේක්ෂවම නිවැරදි තීරණයක් කියලා කියන්න බැහැ. සාමාන්‍ය පිළිගැනීම අනුව විද්වත් මණ්ඩලයේ තීරණය පිළිගන්නවා. ඒත්, හොඳම නවකතාව හෝ නාට්‍යය තෝරපුවහම ඒ ගැන විවිධ වාද විවාද ඇති වෙන්නේ මේ ප්‍රශ්නය නිසායි.

ඒ වුනත් උතුම් බව පහසුවෙන්ම හොයන්න පුළුවන් අළුත් ක්‍රමවේදයක් කවුදෝ හොයාගෙන තියනවා.
මේ බලන්න මේ ලිපිය-
මේක ලියල තියෙන්නේ අපි වගේ අති පණ්ඩිත උන්දැ කෙනෙක් නෙවෙයි වෙන්න ඕනැ. මං හිතාගෙන හිටියෙ ලංකාවේ මේ වගේ මිනිස්සු අඩු ඇති කියලයි.



This is a post I extracted from facebook. I don't know whether this really true or not but i found this quite fascinating. I asked my husband who is a physicist about this.  He said this is possible. However, found a youtube link from the comments as well.  
http://www.youtube.com/watch?v=d4E5T9PSbo0


ලෝකෙන්ම උතුම් රට ලංකාව බව නාසා ආයතනයත් පිළිගනී.

යාලුවනේ ලෝකයෙන්ම උතුම් රට හෙළ රට බව අවිවාදිතයි. රාවණ ඇතුලු මහ නරපතියන් රජකල බුදු පාමොක් මහ සගන ඇසුරුකල අපේ රට අති උත්තම බව අමුතුවෙන් කියන්න ඕනි නෑනෙ. ඔන්න දැන් විද්‍යාවෙන් ඒකම ඔප්පු කරල.
යාලුවනේ 2002 වසරේදී ඇමරිකවේ නාසා ආයතනය සුවිශේෂ මෙහෙයුමක් කලා‍. එහි අරමුණ උනේ පෘථිවියේ ඇති ගුරුත්වය අධ්‍යනය කර බැලීමයි. මේ සදහාම 2012 මාර්තු 17 සුවිශේෂි චන්ද්‍රිකාවක

් නිපදවා කක්ෂගත කලා. මෙහි පින්තූරයේ පළවෙනි රූපයෙන් ඔබ දකින්නේ එම චන්ද්‍රිකාවක නිර්මාණය වන ආකාරයයි.
 

දෙවෙනි ‍රූපයෙන් දැක්වෙන්නේ එය පෘථිවිය පුරා අධ්‍යනය කරමින් ගුරුත්වය නිරීක්ෂණය කරන ආකාරයයි. පෘථිවියේ ගුරුත්වය වැඩිතැන් හා අඩුතැන් හොදින් ස්කෑන්කරල බැලුව.

තැන්වන රූපයෙන් ඔබ දකින්නේ එම චන්ද්‍රිකා‍නේ ලබාගත් දත්තයන්ට අනුව ජලය ඉවත්කල පථිවි පෘෂ්ඨය. පැයට කිලෝමීටර 107300ක වේගයෙන් හිරු වටා ගමන්කරන පෘථිවිය ගෝලයක් වගේ පෙනෙන්නෙ ජලය නිසයි.


හතරවන සහ පහ රූපයන්ගෙන් ඔබ දකින්නේ වර්ණාවලීන් යොදා ගනිමින් ගුරුත්වය අඩුම තැන් නිල් පාටින්ද ගුරුත්වය වැඩිම තැන් රතු පාටින්ද සකස් කෙරුන පෘථිවි ගෝලයයි.


හයවන රූපයෙන් දැක්වෙන්නෙ ගුරුත්වය පිළිබද වඩාත් හොදින් කල අධ්‍යනය. බලන්න ගුරුත්වය අඩුම රට මොකක්ද කියල. අපේ රට නේද යාලුවනේ. විද්‍යාවට අනුව ගුරුත්වය යනු පොළවෙන් අප තවත යොදන බලයයි. විශ්ව ශක්තිය යනු අප බාහිර විශ්වයෙන් ලබාගන්නා ශක්තියයි. එසේනම් ගුරුත්වය අඩුම තැන යනු විශ්ව ශක්තිය වැඩිම තැනයි. ඒක කියන්නෙ ගුරුත්වයට බලපෑම් කරන වැඩිම ශක්තිය තියෙන්නෙ අපේ හෙළ රට තුලයි. මොකක්ද මේ නැගෙන විශ්ව ශක්තිය. ඒ තමයි අමාමෑණී ලොව්තුරු බුදුපියාණන් වහන්සේගේ බුද්ධ ශක්තිය ඇතුලු ඒ අමා නිවනින් නිවී සැනහී වදාල මහ රහතුන්ද, අදත් මේ පින්බිමේ වැඩසිටිනා අති උත්තම යතිවරුන් විශ්වට නිකුත්කරන ශක්තියයි. විශ්වය හා ගණුදෙනු කරන ඒ උතුමන්ගේ ශක්තියයි. හෙළ රට පාලනය කල රාවණ ඇතුලු මහ සෙන්පතියන් විශ්වය හරහා ගමන්කළ තාරකා දොරටු අනුරාධපුරයේ පිහිටා අතිබව ඔබ දැක ඇති. සක්වල චක්‍රය තමයි ඒ. රන්මසු උයන නරඹන ඕනැම කෙනෙකුට මෙය දැකගන්න පුලුවන්.
 

ඒ ගුරුත්ව බල නිරීක්ෂණය අනුව වතිකානුවේවත්, මක්කමවත් කිසිම ලකුණක් පෙනෙන්න තියෙනවද? නෑ නේද ? බලන්න යාලුවනේ මොනතරම් අසිරිමත් සිදුවීමක්ද? විද්‍යාව හා බුදු දහම පිළිබද තර්ක කරන අසරණ අදබාලයන්ට මේ සිදුවීම හොද උත්තරයක්වේවි.
මේකත් සමහරු තමන්ගෙ වාසියට හරවාගෙන කියනව බුදු හාමුදුරුවො අපේ රටේ ඉපදුන නිසාලු මේ තරම් විශ්ව ශක්තියක් නිකුත් කරන්නෙ. ඒ අසරණයින්ටත් අපි අනුකම්පා කරනව හැර මොන කරන්නද?

දැන් ඉතින් පණ්ඩිත උන්දැල මේකෙ අඩුපාඩු හොයයි. තමන් අයියවෙන්න උතසාහ කරයි. මේක අපි කලින් කීවනම් හොදට බැණුම්. දැන් නාස එතකන් කියපු නසා අඩුපාඩු කියල බැණුම්. මේව තමයි පෘතග්ජනයන්ගෙ වැඩ. 

4 comments:

  1. ඔබ සතු දැනුමේ ප්‍රමාණය හා ඔබගේ ආකල්ප පැහැදිලි වෙන හොඳ ලිපියක්. දිගටම ලියන්න.

    ReplyDelete
  2. dan blog eke ayithi karayage mathaya mokakda?
    eka kiyannako mulinma....

    ReplyDelete
    Replies
    1. බ්ලොග්එකේ අයිතිකාරයා වන මොබයිල්මෑන්ගේ මතය වූකලී ගුරුත්වාකර්ෂණය මැනීමෙන් "උත්තමභාවය" මනින්නට නොහැකි බවයි. පුද්ගලයෙකුගේ බර කිරා බැලිමෙන් ඔහු හොඳ මිනිහෙක්ද නැද්ද කියා කියන්නට පුළුවන්ද? ඔහුගේ උස බැලීමෙන් අවංක භාවය මනින්න පුළුවනිද?

      Delete
  3. ඒක මිසක් .. හි හි .
    ඕව කතා කරලා වැඩක් නැහැ බන් ..
    මේකේ උන්ට පිස්සු .. අසූචී හරි විකුණයි
    එක හම්බෙනවනම්

    ReplyDelete

ඔබේ අදහස කියන්න.
මේ ලිපිය මෙතැනින් උපුටාගත් බව දක්වමින් ඕනෑම තැනක පළ කිරීම ගැන ලියුම්කරුගේ අමනාපයක් නැත.
මේ ලියමන ගැන දක්වන අදහස් පිළිබඳ වගකීමට ලියුම්කරු බැඳී නැත.
තෙවැනි පාර්ශවයකට අපහාස වන අන්දමේ නිර්නාමික අදහස් දැක්වීම්වලත් යම් අර්ථයක් ඉස්මතු නොකරන වචන පේළි වලත් කිසිදු ප්‍රයෝජනයක් නැති නිසා ඇතැම් විට ඒවා ඉවත් කරනු ඇත.
ඔබේ අදහස් දැක්වීම් ගැන සතුටු වෙමි. ධනාත්මක විවේචන වලට බෙහෙවින් ස්තුතිවන්ත වෙමි.